ازاي اخلي قناتي علي اليوتيوب مشهورة بسرعه ؟

ازاي اخلي قناتي علي اليوتيوب مشهورة بسرعه ؟

اليوتيوب وشهرة اليوتيوب | منذ يومين جائتني رسالة من أحد الأصدقاء مكتوب فيها التالي ” كنت عاوزه أعرف ازاي القناة تتشهر ؟ “

السؤال بقدر ما هو بسيط, بقدر ما هي إجابته مُعقدة. ولكن دعونا نبحث سويآ عن الإجابه.

ما هي الشهرة ؟

بحثت كثيرآ عن معني الشهرة, فوجدت أن أصل الكلمة مرتبط بالتجارة والأصول المالية, فبحثت عن معني كلمة مشهور.

ما معني كلمة مشهور ؟

الشخص المشهور هو الشخص المعروف علي نطاق واسع, وذو صيت.

إذن ممكن نغير صيغة السؤال فتكون : ” عاوزه أعرف ازاي القناة تكون معروفة علي نطاق واسع ؟ “

البداية بتكون من سكريبت الفيديو.

يعني ايه سكريبت ؟

الاسكريبت هو رسم او كلام او رموز بيدل علي سيناريو واحداث الفيديو, حتبدأ الفيديو ازاي وحتتكلم عن أيه وحتنهيه إزاي وكل ده حبتصور ازاي ؟ والأهم حتستفيد منه إزاي ؟

خلينا نمسكهم سؤال سؤال :

[ فيديو اليوتيوب ]


اليوتيوب والشهرة

اليوتيوب والشهرة

بداية الفيديو :

  • هل حتبدأ الفيديو بموسيقي مع مشاهد تصويريه زي فيديوهات المراجعات او الفلوج ؟
  • هل حتبدأ الفيديو بمشهد مثير للإهتمام حيخلي المشاهد يهتم يتفرج علي الفيديو للنهاية ؟
  • هل حتبدأ الفيديو باسكيتش سينمائي زي فيديوهات الدحيح ؟
  • هل حتبدأ الفيديو بإنترو القناة ؟

بداية الفيديو مهمة جدآ, وماينفعش أقول لك ابدأ الفيديو ازاي, انت اللي بتحدد ده بناء علي المحتوي اللي بتقدمه وبناء علي حضورك أمام الكاميرا  أو تمكنك من المونتاج.

محتوي الفيديو :

  • الفيديو حيتكلم عن أيه ؟
  • أيه الجديد اللي بيقدمه ؟
  • ايه اللي بيميز الفيديو بتاعك عن الفيديوهات اللي اتعملت عن نفس الموضوع او الفكرة.
  • هل الفيديو بيعبر عن مشاعر المشاهدين ؟ هل بيستحثهم علي مشاركة الفيديو  لانه بيمثلهم أو بيعبر عن مشاعرهم ؟
  • هل الفيديو معروض بشكل ابداعي مثير للاهتمام وممتع في المشاهده ؟
  • هل الفيديو متصور كويس ؟ هل الصورة واضحه والمؤثرات البصرية بتخدم الفكرة وممتعه لعين لمشاهد ؟
  • هل الصوت مسموع ولا فيه مشاكل ؟

نهاية الفيديو :

حتنهي الفيديو ازاي ؟ وحتوجه المشاهد لفين ؟

  • هل حتطلب منه يتابعك علي الانستغرام ؟
  • هل حتفكره يشترك في القناة ؟
  • هل حتقول له اتفرج علي فيديو معين ؟
  • هل حتوجهه الي انه يشتري منتج من علي سوق دوت كوم أو أمازون مثلا ؟
  • هل حتسأله سؤال وتطلب منه انه يجاوبك في التعليقات ؟
  • هل حتطلب منه انه يشارك الفيديو ؟

شفت الموضوع كبير زاي ؟

طيب خلينا نرجع لمسمي الشهره والشخص المشهور.

علشان تكون قناتك مشهورة يبقي لازم يكون بيشوفها ناس كتير أو بتقدر توصل لناس كتير. وخلي بالك الحالتين مش واحد.

القناة بيشوفها ناس كتير :

ده معناه ان القناة مميزة جدآ ومثيرة لانتباه واهتمام ناس كتيرة. لدرجة انهم بينتظروا الفيديوهات وبيدوروا علي القناة, ولما بيتفرجوا عل فيديو بيشاركوه علي السوشيال ميديا, وبالتالي اليوتيوب فهم ان القناة مطلوبه من الناس فبدأ يرشحها لناس أكتر وبالتالي القناة اتشهرت.

وهنا إسأل نفسك : هل قناتك مميزة جدآ في محتواها وظريقة عرضها للمحتوي ومثيرة لإنتباه واهتمام ناس كتيره ؟

طيب خلينا نروح للاحتمال التاني..

القناة بتقدر توصل لناس كتير :

ده معناه ان القناة معمول لها تسويق صح, ومصروف عليها, ولما اتكلم هنا عن الصرف فانا مش باتكلم عن الفلوس بس ولكن كمان باتكلم عن الوقت والمجهود اللي اتصرفوا علي القناة.

وهنا حنكون وصلنا للزيتونه وإجابة السؤال : إزاي أخلي قناتي تتشهر ” توصل لناس كتير ” ؟

خطوات ولازم تلتزم بيها :

  1. قبل ما تبدأ في القناة لازم تكون مستعد وعندك خطه للمحتوي اللي بتقدمه وعارف حجم الجمهور اللي مهتم بهذا المحتوي وعارف المنافسين بتوعك كويس ومذاكرهم, و شايف كويس هل انت بقدر المنافسه ولا لأ ؟
  2. تجهز نفسك بالادوات اللازمه للعمل في اليوتيوب, الصوت مهم جدآ, وبالتالي انت محتاج مايك كويس, اشتري Boya BYM1  حيشتغل معاك علي الموبايل وعلي الكاميرا لو قررت انك تشتري كاميرا.
    ده رابط شراء المايك من سوق دوت كوم وحيوصل لك لحد باب البيت : souq.com| Boya BYM1
    وده كمان فيديو بيشرح مميزات وعيوب المايك.

    وبالنسبة للتصوير لو معاك موبايل كاميرته كويسه تقدر تستخدمه كبداية, لو مفيش يبقي اشتري موبايل كاميرته كويسه أنصحك بسامسونج  A71 وتقدر تشتريه من سوق ويوصل لك لحد بابا البيت من هنا : https://souq.link/3g8tMii .

  3. تظبط هندسة المشهد :
    يعني ايه الكلام ده ؟
    يعني الخلفية اللي وراك حيكون شكلها ايه ؟
    طبعآ لو حتصور خارجي في الشارع او في النور فمش حتفرق كتير وبترجع لذوقك انت.
    أما لو بتصور داخل مكان مغلق يبقي لازم تظبط الخلفية وتظبط الإضاءه, وكتير من الأساتذه شرحوا الموضوع ده بالتفصيل. تقدر تشوف الفيديو ده للزميل مصطفي مكرم حتفهم قصدي ايه :
  4. تختار مواضيع تكون الناس مهتمه بيها, أو مثيرة لاهتماماتهم وبتحفز عندهم رغبة المشاركة علي السوشيال ميديا أو التفاعل مع الفيديو بلايك و تعليق.
  5. تعمل سكريبت كويس للموضوع وتصوره كويس ويكون الصوت واضح.
  6. تتعب شويه في المونتاج وتستخدم مؤثرت صوتيه وبصريه, وخليك دايما متابع الجديد في موضوع المونتاج في القنوات الاجنبيه علشان تطور من نفسك.
  7. تلتزم كل اسبوع بعرض عدد 3 فيديو جديد علي القناة او علي الأقل عدد 2 فيديو.
  8. تشتغل علي السوشيال ميديا كويس وكُل ما تقدر تغطي قنوات سوشيال ميديا اكثر وتكبرها كل ما كان ده مفيد لانتشار القناة.
  9. بدأت تشتغل علي القناة مُمتاز, وانت شغال لازم تدرس حاجتين وتطبق اللي بتدرسه ” الهندسة الاجتماعية – الاخراج السينمائي “

أتمني أكون جاوبت علي السؤال ولنا تكملة في تدوينة قادمة بإذن الله.